ئه‌و شێخه‌ی كه‌ كار بۆچاره‌سه‌ركردنی نه‌خۆش ده‌كات شمشێره‌كه‌ی و ئاڵتونی خێزانی ده‌دزرێ

زه‌نگ-بڕیار محه‌مه‌د
له‌كه‌لار دز ده‌چێته‌ سه‌ر ماڵى پیاوێكى ئایینى و كۆمه‌ڵێك شتومه‌ك ده‌دزێ, كه‌ شمشێرى پیاوه‌ ئایینییه‌كه‌ و ئاڵتونى هاوسه‌ره‌كه‌ى تیادا بوه‌.
شێخ محه‌مه‌د شێخ مسته‌فا قه‌مچی ڕه‌ش كه‌ساڵانێك له‌ناوچه‌ی ئه‌بودشیری به‌غدا بووه‌ و پاش كوشتنی خێزان و منداڵه‌كانی هاتۆته‌ كه‌لار, ئێستا كار بۆ چاره‌سه‌ركردنی نه‌خۆش و گرفته‌ كۆمه‌ڵایه‌تیه‌كان ده‌كات بۆ ئه‌و كاره‌شی وه‌ك خۆی ده‌ڵێت:"ته‌نیا پشت به‌قورئان و جنۆكه‌كانی ده‌به‌ستێ كه‌سه‌رجه‌میان موسوڵمانن".
شێخ وتی:"له‌شه‌وانی ڕابردودا كه‌له‌گه‌ڵ خێزانم چه‌ند شه‌وێك له‌خانه‌قین بووین دز هاتۆته‌سه‌رمان و شمشێره‌كه‌ی منیان دزیوه‌ و هه‌روه‌ها هه‌ندێك ئاڵتوونی خێزانه‌كه‌شمیان دزیوه‌".
له‌یلا خێزانی شێخیش وتی:"ته‌نانه‌ت جوتێ گواره‌ی ئاڵتونی منداڵێكی چه‌ند مانگه‌شیان بردووین كه‌ناوی (فاتمه‌)یه‌"
شێخ پێی وابوو دزه‌كه‌ كه‌سێكی دوور نییه‌ له‌خۆیانه‌وه‌ وتیشی:"من بۆخۆم كاری خه‌ڵًك ئاشكرا ده‌كه‌م ئه‌مه‌ش به‌سانایی ده‌دۆزمه‌وه‌".